إغلاق
إغلاق
في الذكرى الرابعة.. والدة المرحومين خالد ورامي حسونة تكتب رثاء
الاحد   تاريخ الخبر :2017-01-08    ساعة النشر :15:31:00

في الذكرى الرابعة، والدة المرحومين السيدة ميادة حسونة تكتب لولديّها : "مش قادرة استوعب الي سار وكأنه كذب،او حلم. خالد ورامي مش عارفه ايش احكي وكيف أبدى أُوصِّف شعوري يا نور عيني. اربع سنين ما شافتكم عيني والله ياما، تعبت لما ربيتكم من دم البي يا ولاد عمري انا صبرت سنين لحتى اشوفكم شباب. كنت اشوف فيكم حياتي وتعطوني الأمل بلحياه كسرتو ضهري وبموتكم انكسر ضهر أبوكم ما عاد للحياه طعم بلاكم .اربع سنين مرت وكل يوم بمر علي كابوس وحمل كبير على ضهري تمنيت لو ربنا اخدني ابل ما اشوف هليوم. كنت أتمنى اشوفكم عرسان وافرح فيكم. كنت أتمنى الموت.والله ياما دبحتوني خالد يا عمر امك نفسي أضمك وأشم ريحتك يا طيب يا حنون .رامي يا فرحة البيت.بمماتك راح الفرح ياما راحت الضحكه الحلوه الي بتسوى الكون حكيتولي ما بدكم تتركوني وبدكم تجيبولي كورسي هزاز ونضاره اكبر مقاس علشان علشان بكون ختياره.بس الموت كان أسرع منكم اخدكم مني وضاعت أحلامي واحلامكم. يا رب ولادي عندك، عند ارحم الراحمين، لا اعتراض على حكمك يا رب اللهم انا لا نسالك ردّ القضاء ولكننا نسالك اللطف فينا. يا رب الله يرضى عليكم بعدد حبات المطر.الله يرضى عليكم بعدد دموعي الي نزلت عليكم. الله يرضى عليكم يا اغلى من روحي-يا خالد ويا رامي."




تعليقات الزوار