يومنت - قضية نقاش - يا خسارة الحب

تطرق الكاتب إلى ظاهرة حساسة بين الشباب وهي الزواج من بعد علاقة عاطفية وما بنتج عنها. شاركونا بآرائكم ...

يا خسارة الحب...بقلم سالم السطل

انا تعبانة كتير وزعلانة     من نصيبي والناس الشمتانة
رميتني عشان طاولة القمار     وورقتك دايما كانت خسرانة
كل العزاب اللي شفته معك     فدى اولادنا وامك الحيرانة
مصير حبي الك كان عالطاولة؟     الكينج والداما وفش ضمانة
قبضة التامين كنت توخدها     نمردت وعملت حالك مظلوم
ايش ذنبي وايش اللي عملته     بتعذبني وانت الغلطان وبتلوم

هادا اجاري معاملتك القاسية     شمتت فيي الناس وكل القوم
حبي الك علمني كتير بحياتي     ما اعومش عشبر وليش اعوم
حماتي كانت كتير منيحة معي     وعكل كلمة بحكيها اختك بتزوم
كانت تلومني وعبدتني الصنم     وهادا العذاب مين بتتحمله اليوم
وانا بدي انصح البنات متحبوش     واللي راح تحب بس حالها تلوم
تجوزت واحد حليوة كان يحوم     كلهم نصحوني ولك اخدتي بوم

صار لعب القمار بدمه ليل نهار     صرت ادعيله يربح عشان انش
التلاجة فاضية والدزدان مبحبح     فش فيه ملين ودايما بقلي فش
وبترجاكم اسمعوني احنا بمصيبة     الاولاد ضحية وبدهم اكل وتش
بنت الناس لازمها حد يصونها     يئوم عشغله مش يصحيه ونش
الحب بيجي بعدين. مش بالدين   والحب الحقيقي لازمه زلمة يحش
وانا نصحتك يا عروس بخطبتك    فكري منيح بعقلك عشان متلوميش

تطرق الكاتب سالم خلال كلماته إلى ظاهرة منتشرة في البلاد وفي العالم بشكل عام وهي العلاقات العاطفية بين الشباب والبنات وما بتبعها من زواج إعتقادا بأن نهاية هذه العلاقة ستتم بالزواج وبناء الأسرة فمنهم من تكون حياته مشاكل ومنهم من يطلق زوجته او زوجته تخلعه بعد فترة من الزواج ومنهم من يغدر بالأخر وسيلك طريق أخر، طريق الحرام لكي يعوض النقص الذي يشعر به فيلجأ الرجل إلى الإنترنت وإلى لقب القمار وإلى المنكرات وإلى ما حرم الله لكي يضيع وقته فيما يسعده شخصيا.

وعلى الرغم من تحذير المشايخ والعلماء من التوسع في العلاقات العاطفية قبل الزواج حتى ولو كان ذلك في فترة الخطبة؛ لأنه لا مصلحة في ذلك، بل فيه أضرارا كثيرة حتى ولو حصل الزواج بعد ذلك، لأن التوسع في العواطف يؤثر على المستقبل العلمي، ويشغل عن الفضائل، ويجلب المشاكل والخلافات، ويسبب الإزعاج لأهل الفتاة، ويفتح باب التدخلات السلبية، ويكشف العيوب، ويصيب الحياة الزوجية بالشيخوخة المبكرة، وقد ثبت في الدراسات الغربية أن التوسع في العواطف هو السبب في أكثر من خمسة وثمانين بالمائة من الخلافات والمشاكل، وتشير بعض الدراسات في البلاد العربية إلى نفس النسبة، كما أن الخمسة عشر بالمائة الباقية أيضًا يكون فيها خلافات وشكوك.

لذلك قضيتنا لهذا اليوم عن العلاقات العاطفية بين الشباب والفتيات. ما هي؟ وكيف تتم؟ وما أثرها على الأسرة وعلى الزوجين بشكل الخصوص ؟

مشاهدينا الكرام، مشاهدي موقع يافا اليوم يومنت نتمنى لكم أوقات سعيدة بصحبتنا ونود منكم أن تُنيروا قضيتنا بأقلامكم الرائعة وبآرائكم وبمقترحاتكم أيضا للحد من هذه الظاهرة ...