شمعة يافا لا تنطفئ - بقلم/ سالم السطل

مرت ايام على فقدانك يا      من كنت الرمز لنا ولاجيالنا
ابتسامتك انارت القلوب      وجمعت القاصي والداني بنا
مواقفك نخوة وشرف      بنتباهى فيك ودستورك اهل لنا
والوطنية مواقف مش      ثرثرة والميدان بدها رجال هنا
ضوينا الشموع لاجلك      وشمعتك ما بتنطفي وانت مننا
خطواتك بعيد وداعك      كانت اسرع من دقة طبول قلبنا
واللي ما عرفك بحياتك      ضوى لك شمعة ورسم اسمنا
لكل واحد فينا شمعته      ونصيبك منها بنتباهى فيه كلنا
شمعة العيد وشمعة      الحزن والفرح كلها من عمرنا
القدر اقوى من الامل       اللي بنبني عليه باقي حياتنا
والدين دعا بالوحدة       والصف الواحد بيهابه عدونا
كونوا يدية وحدة هيك      قالها حبيبنا وبهالنخوة عزنا
وكلامه بهداك اليوم      ربى جيل يهتف وهادة دستورنا
وكل شمعة بتحكي قصة      عن حب انبنى وانخطف مننا
والسما بتشتي ودموعها      رحمة لكل فاقد عزيز ببيتنا