مآ أحلى البسآطة في إنّك تنول إللّي في بآلك بدون مآ جآرك ينظر لك وكإنّك مآخذ حقّه...ومآ أحلآهآ البسآطة لمّآ  تكون مرتك رآيحة عالدكّآن تشتري حآجة للأولاد ...وفش عندهآ نيّة تجآكر جآرتهآ المطلّقة ...جوزي مدلّلني  وإنتي ملكيش... وليش تكون نيّتك هيك بدل مآ تحسّي فيهآ ومتشمتيش...مآ إنتي عآرفة منيح إنّه فش إشي بيضلّ عحآله والحيآة حبر أحمر وأسمر وكمآن رصآص وخرآبيش... والوحدة مآ بتقدر تضمن إنّه زوجهآ صآين العشرة وضميره نظيف ...وإيش عرّفك لمّآ بيطلع من بيته إيش بيستنّآه برّة وفش إلك بوليسة تأمين تضمنلك إنّه زوجك حبيبك مفش وحدة لَحْسَتْ عَقْلُه...  ويآمآ أولاد دفعوا ثمن تيآسة أهآليهم وضآع مستقبلهم عشآن أبوهم مش رآضي بقسمته ...عيش عأدّك يآ بني أدم وبلاش تطلّع لفوق ...والحيآة عبرة لهدآك إللّي فكّر يطلع فوق أوآم وأخريته بوسطة وكلآبيش...ولمّآ خش التخشيبة تعلّم الدّرس على جلده وإمتى بيتذكّر يعدل ممشآه ...لمآ ملاّ رأسه الشّيب ...إبنه بتربّيه الأيآم... ولسآن النّآس إللّي ملوش مقآس ...وينهم من الوسوآس الخنّآس إللّي شآيف وعآرف إيش بتخبّي نوآيآهم وأديّش همّة أخبآث...  وإن فتح إلهم إيده وطلب شويّة عملة ...بيقولوله مآ كآن أبوك أشطر روح عنده يمكن يزيح عنّك المذلّة ...لأ يآ جمآعة تظلومونيش أبوي غلط وبيدفع الثّمن باللّيآلي ...

وتعلّم الدّرس ودمعته أنآ إلهآ حسّآس ... وهآدة أبوي وكتير غآلي علييّ ...وبدل مآ تعدموني وتهينوا حآلي !!! في إلي رب السّمآ وهو عآلم فييّ وهو غني عن سؤآلي...*ويآ ربّي إهدي قومي فإنّهم لآ يعلمون ...بحقدهم وشمآتتهم وعدم تفهّمهم أحوآل من حولهم من النّآس الّذين طغوّا في الأرض وليس لهم غير الله معين...وهيك إحنآ وهآدة حآلنآ وفش بقلبنآ رحمة لآ للصغير ولآ حتّى للكبير ...قآعدين بننهش في جلد بعض وأظآفرنآ دآيماً مسمومة ...وكإننّآ عآيشين في غآبة والقويّ بيآكل  الضعيف ...وفش مين يقلّه وقّف عندك بيكفّيك لحدّ هون وبس والدّنيآ مش سآيبة وإحنآ بطّلنآ الفوضى ...ورضينآ بالهمّ ! والهمّ مآ رضي فينآ ...ومرتي مش عآجبهآ العجب...

وين مآ بدهآ مشورتهآ عالصيّن وبرلين ...وبلاد الهند واالسّند وبرضوا مش عآجبهآ العجب ...وليش هيك النّسوآن فش إشي بيملّي عينيهن ...وكل مآ بجيب بتقلّي كمآن ...وكل مآ أسألهآ ليش بتقلّي شوف مرت أخوك ...وإيش جآبلهآ أخوك ...وعآدي كل يوم على هالسّيرة ونسوآننآ مش عآجبهآ العجب والغيرة المرّة شيطآن بينهش في جلد الزّلمة لعند مآ تيجيه الجّلطة ويروح فيهآ ...وسآعتهآ يآ ريت إللّي جرى مآ كآن ويآ خسآرة عليه أدّيش كآن قلبه طيّب ...ومآ كآنش منقّص عنهآ إشي ...وهيّة مآ عرفت تعملّه قيمة وهلئيت بتندب وبتعيّيط عليه ...والنّسوآن مش رآح تتعلّم من قصص غيرهآ... وهيك رآح جوزهآ في شربة مييّ والبقيّة في حيآتكم يآ البآقيين وكلّي أمل تتعلّموا الدّرس هآدي المرّة وبيكفّيكم تنآحة وعنآد ...والتّيآسة رآح تضمنلك تعآسة طول حيآتك ويآمآ نآس من تيآستهآ دفعت البدري والوخري ومآ تعلّمت الدّرس ...ويمكن إنت وغيرك تتعلّموه بدون مآ تدفعوا ثمنه ...